Chapter II (6)

The contest was continued until the boy won out at the word joint (ki). The men were then all killed and cooked in the umu and the bones were stripped of all their flesh. Thus did he punish those who had caused the death of his father.

KAAO NO KAIPALAOA, KE KEIKI HOOPAPA.

O Waiakea i Hilo ka aina, o Halepaki ka makuakane, o Wailea ka makuahine. He kaikaina hoi ko Wailea, o Kalenaihaleauau, ka wahine a Kukuipahu, ke ’lii o Kohala. Hanau o Kaipalaoa a nui, hele kona makuakane a Kauai, make ia Kalanialiiloa, he ’lii kapu no Kauai, he ’lii akamai i ka hoopapa, nana ua pa iwi nei o kanaka, o Halepaiwi, he wahi iki koe puni loa ua pa nei i ka iwi kanaka. Ua ike no o Halepaki i ka hoopapa, ua ao ia no, aole nae i ailolo, holo e i Kauai a make ai ia Kalanialiiloa. O Pueonuiokona ke ’lii o Kauai.

No keia make ana o Halepaki, ke kumu i ao ai o Kaipalaoa i ka hoopapa. He akamai o Wailea kona makuahine ia mea, ao iho la laua a pau ko Wailea ike. Olelo aku la o Wailea ia Kaipalaoa: “O hele a ko makuahine i Kohala, aia i ke ’lii ia Kukuipahu, o Kalenaihaleauau ka inoa, nana e ao ia oe a pau loa.”

A hiki keia i Kohala, ao iho la me ka makuahine a pau na mea a pau loa, o ko luna o ko lalo; o ko uka o ko kai; o ko ke ao o ko ka po; o ka make o ke ola; o ka hewa o ka pono; lolo iho la a pau, ku keia a hele imi i ka makuakane. Lalau aku la keia i ka hokeo, aia i loko o laila na mea hoopapa a pau loa. Hele aku la keia a kahakai, e kau ana he waa, holo keia malaila, a kau i Keoneoio ma Honuaula; moe a ao, holo keia a pae ma Kaunolu i Lanai; malaila aku a ka lae o Kalaau ma Kaunakahakai i Molokai moe a ao.

Haalele keia ia Molokai holo mai la a pae ma Hanauma; haalele ka waa ilaila, hele mai la keia a Kaimuki, oioi, malaila mai la a Niuhelewai, luu wai a mau, hele aku la a hiki ma Pokai ma Waianae, moe iho la a ao ae. Ua pae mai na waa o Pueonuiokona mai Kauai mai, e makaukau ana e hoi; hele aku la keia a ke awa, i aku i kanaka: “Owau kahi e holo me oukou i Kauai.” I mai la kanaka: “Hele oe pela e na keiki mai lewalewa; aole paha o kou kau mai ma ka waa o ke ’lii.” Lohe aku la ke ’lii i keia leo, kahea mai la: “E ke keiki, hele mai maanei.” A hiki keia i mua o ke ’lii, ninau mai la ke ’lii: “Heaha kau mea e olelo ana i kanaka?” “E nonoi aku ana au, owau kekahi e kau ma ka waa a holo i Kauai, a i mai nei lakou la no ke ’lii ka waa.” I mai o Pueonuiokona: “O ka waa ia; he ukana kau?” “Aole, he wahi hokeo kapa wale no no’u.” “Ae, o kii a hele mai holo kakou.” Hoi aku la keia a ka hale, moe iho la a kani ka moa mua, hopu iho la i ka hokeo, hele aku la a ke awa, he waa e kau ana, holo aku la keia i Kauai.

Ke kali nei ke ’lii o kupono ka la, aohe hele aku o ua keiki nei; nolaila, holo lakou a ike ia Kauai; nana aku la lakou i keia mea e lana ana i mua o lakou, a kokoke lakou, nana aku la he wahi waa, o ua keiki nei ko luna. Kahea aku la ke ’lii: “Ua holo e mai nei no ka hoi oe, kakali makehewa ana makou ia oe.” “Ae, noonoo iho la au, he waa ukana nui ko ke ’lii, he kikoo la, he mau ohua lemu kaumaha, he mau opeope palale, nolaila, holo mai nei au i ka po okoa, me kuu manao no a loaa mai ia oukou i ka moana nei.” Kiola ia mai la ke kaula no kahi waa o ia nei, hekau ia aku la mahope, a hiki lakou nei i Kauai a pae ma Hanalei.

Ilaila, elua waa o ke ’lii i komo i ka ia, nonoi aku la ke keiki: “E ke ’lii, na’u kekahi ia.” I mai la ke ’lii: “E lawe oe i kekahi waa ia nou.” Lalau iho la keia elua ia, he oililepa he kikakapu, alua ia. Olelo mai la ke ’lii: “O kau ia iho la no ia?” “Ae, o ka’u mau ia iho la no ia, he ia hikiwawe o ka moa.” Haalele iho la keia ia Hanalei, hele aku la ma Koolau a hiki i Waiakalua, hoomaha; hele aku la a Anahola a Kealia, hiki i Wailua; ilaila o Kalanialiiloa kahi i noho ai. Ilaila ka pa iwi a Kalanialiiloa, e ku ana, ua kokoke e puni i ka iwi kanaka. Nana aku la keia e ku ana na iwi o Halepaki, ka makuakane, e koko ana no, aole i maloo; uwe iho la keia me ke kulu o na waimaka. Hele aku la keia a ka pahu lepa, kulai iho la keia i ka lepa, kukulu ae la i ka oililepa; lalau aku la keia i ka pahu kapu kulai, kukulu ae la keia i ke kikakapu. Ma keia mau hana a ke keiki, he hoopapa ke ano. Ike mai la o Kalanialiiloa a me na kumu hoopapa i nei mau hana a ke keiki, maopopo ia lakou he keiki hoopapa keia; hoouna mai la i elele e olelo i ke keiki.

HOOMAKA KA HOOPAPA ANA.

A hiki ka elele i mua o ke keiki, olelo aku la i ke keiki: “Keiki hoopapa, i olelo mai nei ke ’lii ia oe e pii oe i uka.” I aku ke keiki: “Kanaka makua hoopapa, i olelo mai nei ke ’lii ia oe e iho oe i kai.” Aohe hiki i ke kanaka makua ke olelo hou aku i ke keiki. Hoi aku la ia a hiki i ke ’lii, hai aku la i na olelo a ke keiki; i mai la ke ’lii: “O iho a i olelo hou mai ia oe e iho i kai, ae aku oe, nau ia e iho i kai, alaila, pii mai kela i uka nei.” Hoi hou aku la ua kanaka nei a hiki, kahea aku la: “Keiki hoopapa i i mai nei ke ’lii ia oe e pii oe i uka.” Pane aku ke keiki: “Kanaka makua hoopapa, i i mai nei ke ’lii ia oe e iho oe i kai.” Iho aku la ua kanaka nei i kai, pii ua keiki nei i kahi o ke ’lii.

A hiki keia mawaho o ka hale, kahea mai na kumu hoopapa: “Mawaho iho no o ka hale e noho ai, a moe iho no, ala no ai, nee ka ua ka makani, malaila no oe a make iho, make e ke keiki, aohe loko o komo mai. Pane aku ke keiki: “I loko iho no e na kanaka makua a make, ai i kahi ai a pau ae, mimi, kikio, a ai iho no, pela no e noho ai iloko a make iho, aohe waho o puka mai.” I mai o Kalanialiiloa: “Pono wale ke keiki. Aia kela i waho, moe no kela a ala ae hele he akea o waho, o loko nei he haiki, pau ka ai, ka ia, ka wai, aohe waho o puka aku, pela e noho ai a make iho; e aho e hookipa i ke keiki, e komo iloko nei.” Hoole aku na kumu hoopapa: “Aole.” Ma keia mau olelo kike a lakou ua like loa. O ka manao o na kanaka makua, o ka paa o ke keiki ma ka olelo ana, alaila make.

Ohi ae la na kanaka makua i ka moena, ka mauu haliilii a pau loa, koe o ka lepo, hookele iho la i ka wai a ukele o loko, a pono ole ke noho iho. Kahea mai la na kanaka makua i ke keiki: “E, make e ke keiki, ua ohi ae nei makou a pau ka haliilii, aohe haliilii i koe.” Komo aku la ke keiki a loko o ka hale, nana iho la i ka aho halii o ka hale, malalo loa, e pili ana i ka lepo, a olelo iho la i ka hokeo: “E, maanei e noho ai i kou haliilii.” Hoole mai na kanaka makua. “Keiki wahahee oe, aohe haliilii i koe, ua pau ia makou.” I aku ke keiki: “Kukulu ia ka hale a ku, hoaho ia ka aho, o ka aho halii nae ka mua o lalo e hoaho ai, aole ia he halii la?” “I ke aha hoi. He halii ia, aia malalo loa, maluna iho na aho e ae,” pela mai ke ’lii. Wahi a na kanaka makua: “O ka mea paha ia i loaa iaia, koe hoi keia.”

Haliilii na kanaka makua i ka makaloa o ia ka mauu; hohola ka moena pawehe o Niihau; hue ia mai la na aahu kapa pele o Kauai, a waiho ana. “Make e ke keiki; ua ohi ae nei makou i na mea a pau a nele oe, aohe au.” Lalau aku la ke keiki i ka hokeo a wehe ae la i ke poi, lawe mai la i ka mauu, he kuolohia, a haliilii, i ka moena, he ahu hinano aala no Puna, a uhola; he aahu kapa ouholowai no Olaa, ua hele a po i ke ala o ka olapa. Ma keia mau mea a lakou, ua pai wale, olelo na kanaka makua: “O ka mea paha ia i loaa iaia, koe hoi keia, ianei ia la make.”

Olelo na kanaka makua: “E kaka ka wahie, e hoa ka umu, e umi ka puaa, a moa, inu ka awa”, hana lakou la i ka lakou la. Lalau aku la keia iloko o ka hokeo, he pauku wahie, ua wawahi ia a liilii, pu-a ia a paa i ke kaula; huki ae la keia i ke kaula helelei, lalau aku la keia he laulau iliili, loaa ke a o ka umu, a a ka umu. Lalau aku la keia he puaa kukui, ua hana ia a like me ke kino o ka puaa, lalau aku la i ka aha a uumi iho la ma ka ihu; o ka uwi a ka aha, olelo iho keia: “U, akahi ka i ka puaa uwe loihi.” Kau aku la i ka umu, a pau ae la ka ili o waho i ka paholehole, koe iho la ke kino aiai o ke kukui; kua-i iho la ia loko, lalau iho la keia ma ka opu (ua waiho ia he naau ame ka io o ka puaa ma ia wahi), a huki ae la i ka naau, a pau, kalua; kii aku la i na pea kauwawe i loko o ka hokeo, kalua iho la a nalo ka umu.

Kalua like na umu, mama na awa, mama ko lakou la he awa maoli, he mau mana no koi nei ua wali, elua, he awa no luna o ka laau. Moa ka puaa, okioki ka lakou la he puaa maoli, pololei iho la no keia a ka io o ka puaa i hoopili ia me ke kukui, lawe ae la ai. A pau ka ai ana, ooki mai la ka ona o ka awa i ke keiki, noho iho la me ke kulou.

Olelo mai la na kanaka makua: “E ke keiki, e lealea kakou.” “Eia ka lealea la he hula, mamua ka hula, mahope ka hoopapa.” Hula na kanaka makua, he kanaka ko mua, he kanaka ko hope. Hula ke keiki mamua, he kii mahope e hoopaa ai. I aku na kanaka makua: “Kupanaha, o kau hoopaa ka ke kii, he kanaka ka makou hoopaa, he leo, he walaau, hookahi na hana like ana.” I aku ke keiki: “Wahahee; i kaulana nei mea o ka hoopaa i ka paa o hope o ka hula, aohe leo pane, aohe walaau, hookahi waha olelo o ka hula. O ka’u ka hoopaa, he poe hula wale no oukou a pau loa.”

Ae aku o Kalanialiiloa: “He oiaio ia; o kau io ka hoopaa, he paa ka waha, hookahi waha walaau o ko ka hula.” I mai na kanaka makua: “O ka mea paha ia i loaa iaia, aole paha i loaa na mea e ae.” Pane mai ke kanaka makua:

Kanaka lawaia ua kahuli ka waa,
Kanaka lawaia ua kahuli ke ama,
Kanaka lawaia ua kahuli ka iako,
Kanaka lawaia ua kahuli ke ka,
Kanaka lawaia ua kahuli ka pa.

“Aia ka makou mea kahuli la e ke keiki hoopapa o Hawaii; a i loaa ia oe, ola oe; aka, i loaa ole ia oe make oe.”

Wiliia ka pou o ko ihu la,
Kaa ka la i Kumakena,
Oo ia ko maka i ke kumu kahili,
Poha mai ka wale,
Omo aku ko makou akua hoopapa,
O Kaneulupo.

Pane aku ke keiki: “A loaa ka hoi kau ka ke kanaka makua, e o hoi e loaa ka’u ka ke keiki; e loaa hoi paha ka’u ka ke keiki i nani ai. I ola ai hoi au alua, imi hoi paha au a i loaa ole, kau mea kahuli, ola oukou, aka hoi, i loaa make oukou ia’u.”

Wili ka pou o ka ihu,
Kaa ka la i Kumakena,
Oo ia ka maka i ka welelau o ke kahili,
A poha mai ka wale,
Omo aku ko’u wahi akua hoopapa,
O Kanepaiki.

Pane hou na kanaka makua i ke keiki:

A hua, a pane,
He pane ko ona,
He hoolohe ko onei.

Pane ke keiki:

E ke akua, aina ka maka
O na kanaka makua hoopapa nei la e, aina ka maka.
Kanaka ohule ua kahuli ka lae,
Kanaka makapaa ua kahuli ka onohi,
Kanaka oopa ua kahuli ka iwi.

Pane mai ke ’lii: “Kahuli paha, pa ka la i ka lae o ka ohule, lilelile ana, mehe puu kauwila ala ka hinuhinu; ka makapaa hoi huli ka onohi eleele ke nana mai, ka oopa lole ka iwi ke hele mai, kahuli paha.”

Pane hou na kanaka makua:

Ka waiwai nui a ka halau la o ka waa,
Ka waiwai nui a ka halau la o ka iako,
Ka waiwai nui a ka halau la o ke ama.

(E like me na olelo mua, pela koonei olelo ana, a no ka hoi aku a hoi aku, nolaila, e waiho ia olelo paku-a.)

Pane aku ke keiki ma na olelo kike:

E ka ipu la, e ka ipu,
O ka waiwai nui a ka ipu la o ka waa,
O ka waiwai nui la a ka ipu o ka iako,
O ka waiwai nui la a ka ipu o ke ama.

Olelo mai na kanaka makua: “Keiki wahahee; pau no ka waa iloko o ka ipu, e laa me ka iako, ke ama?” I aku ke keiki: “Kuku ia ke kapa a kiwaawaa, hahao iloko o ka ipu, aole ia la he waa? He waa ia. Kuku ia ke kapa a iako, hahao ia iloko o ka ipu, aole ia la he iako? He iako. Lawaia ka ia a loaa he ama, hahahao ia iloko o ka ipu, aole ia la he ama? He ama ia.”

Pili ae la laua, mau mau ae la.

Kanaka makua: “Ka aama iki kualenalena, he umi wale ka wawae, ka ino ia e hele nei la, o hala wale, he akamai nui no ka aama, i ka lawe i ka iwi a mawaho, lole i kona io a maloko, pii i uka e kaulai ai la e; kuu ia, he umi wawae, o ka aama e.”

Keiki: “Ka ula iki kualenalena. Kaikaina ka ula papa ka inoa ia e hele nei la, halawale; he akamai nui no ka ula, he lawe i kona iwi a mawaho, he lole i kona io a maloko, pii i uka e kaulai ai la; kuu ia he ula, he umikumamaha wawae, kuu ia hoi la.”

Kanaka makua: “Ma Kohala kakou.”

Nani ku a ka pae puu,
Ka nonoho a ka pae puu o Waimea,
I lomi ia ka puu maka enaena i ke anu,
Moe hoolapuu i ke anu o Puupa.
Anu Puupa i ka hoa ole,
Hoopumahana i ke ala i Wailoa na lima
A i Wailoa na lima e.

“Make paha auanei e ke keiki? Lawe ae la makou i na lima a pau, aohe lima i koe; make.”

Keiki: Nani ku a ka pae puu.
Ka nonoho a ka pae puu o Kahua e,
I lomi ia ka puu maka enaena i ke anu
Moe hoolapuu i ke anu o Puuhue,
Anu Puuhue i ka hoa ole,
Hoopumahana i ke ala, i Makiloa na lima, e,
A i Makiloa na lima,

“Aole ia la he lima, he lima.”

Kanaka: Kauwiki, ka mauna, ke opaipai
E kala ia Hina, Kauwiki e.

Keiki: Honuiki poo kuekue, lilo i kai e,
E e wale mai ai kukala i ko’u aina,
Kela kauwa honu iki-uha.

Ma keia mau hana a lakou me ke keiki, ua like a ua pai, aohe paa o ke keiki; nolaila, olelo aku o Kalanialiiloa: “E pau ka hoopapa, e ike kakou me ke keiki, e hoaikane, e kalua ka puaa.” “Aole, malama o ka mea ia i loaa iaia, aole hoi i loaa na mea e ae, make ia ia kakou, aole ona wahi e ola ai.” Olelo aku na kanaka makua i ke keiki: “E hoomaka kakou i ka olelo ma Kona.” Ae mai ke keiki.

Kanaka: Ka ia kaa poepoe o Kalapana
I nai uala aku o Kaimu,
Ka ia i ohiu ia i ka laau,
I kuolo ia i ka pohaku,
I nanahu ia i ka niho,
Ke haa ala ka lau o ka lima,
Kuu ia momona o ka ina mona
He kukui akimona.

“Make e ke keiki, ua ohi ae nei makou i na ia momona a pau, aohe ia momona i koe, make, aohe wahi e ola ai e ke keiki.”

Keiki: Ma Kona ka ia kaa poepoe o Honokohau,
I nai uala aku o Kailua,
Ka ia ohiu ia i ka laau
E kuolo ia i ka pohaku
I nahua i ka niho la e,
Kuu ia, kuu ia momona,
O ka ina momona.

“Aole ia la he ia momona, he ia momona, o ka ina.”

Kanaka: Ke aua ala ka omao,
Ke kuululu la i ka ua,
No Puna i Keaau, Iwainalo la,
No Puna.

“Lawe ae nei makou i na mea nalo la pau, aole a ke keiki, make e ke keiki.”

Keiki: Ke aua ala ka alala,
Ke kuululu la i ka ua la e,
No Kona i Honalo la e, nalo loa.

“Aole ia la he nalo, he nalo loa ia.”

Kanaka: Ke holo mai nei ka hauna lepo
I haleu ai ka lime la e.

“Make paha auanei e ke keiki i ka mea lima ole, ua ohi ae nei makou i na mea lima a pau, aohe mea lima i koe, make.”

Keiki: Ke holo e, ke holo,
Ke holo mai nei ka hauna lepo
O kiona i Kahauloa,
I na Kalama elima la,

“Alima, he ole lima hoi ia la.”

Kanaka: Kuu manu la, kuu manu,
Kuu manu hoolohelohe he pinao,
A ike i ka wai la hooluheluhe
E luhe ana.

“Make paha auanei e ke keiki i ka mea luhe ole, lawe ae nei makou i na mea luhe a pau loa, aohe mea i koe, make.”

Keiki: Kuu manu la e kuu manu,
Kuu manu hooluheluhe o kaunihi,
A ike i ka pua mauu la hooluheluhe,
E luhe ana.

“Aole ia la he luheluhe i ka makani, he luhe ia.”

Kanaka: He hihi wale no ka ke kaunooa i luna,
Aohe kumu, hookahi kumu o ka laau,
E hihi ana ke kaunooa.

“Make e ke keiki, lawe ae nei makou i na mea hihi a pau, aohe mea hihi e koe.”

Keiki: He hihi wale no ka Punawelewele i luna,
Aohe kumu, hookahi kumu he laau.
He hihi Punawelewele ia.

“Aole ia la he mea hihi, he mea hihi, e kuhi ana no paha oukou e na kanaka makua kuipilo, o oukou wale no kai ike i ka hoopapa.”

Kanaka: O Puna nui aina la!
Ua wela i ka la e-
Ua keekeehi a e ka ua
Ka muo o ka wauke a!
Pili nakeke i ka la e.
Pili pee pu i ka la o Puna,
O ka noho ana pili i ka lemu,
O ka hee pili i na leho nei la e!
Pili, he pili i luna,
He pili i lalo, pili la.

“Aia ka makou mea pili la e ke keiki; make paha auanei i ka mea pili ole e ke keiki.”

Keiki: O Kona nui aina la,
Ua wela i ka la e!
Ua keekeehia e ka ua,
Ka muo o ka wauke a!
Pili nakeke i ka la o Kona,
O ka haawe pili i ke kua,
O ke kamaa pili i ka wawae nei la e.

“Pili, aole ia la he pili, pili ia.”

Kanaka: Na puu e na puu,
Na Puulena i Kauhako, i Pakini,
Lele mai ka okai makani mai lalo o ka lua.
He makani lawe i ka waa lawaia.

“Uhe, uhe, make e ke keiki.”

Keiki: Na puu e na puu
Na Puulena, i Kahuku, i Pakini,
Lele mai ka okai makani mai lalo mai o Kailua,
He makani lawe i ke kapa lawaia la e.

“Uhe, uhe, aole ia la i pai? Ua pai.”

Kanaka: Ke amo ia ae la ka iole e ka pueo,
E kela mea make loa he pueo,
Make loa, aohe mea ola.

Keiki: Ke amoa ae la ka hee e ka leho,
E kela mea make loa,
Make loa, aohe o laua mea ola.

Kanaka: He aina hau kinikini o Kohala,
Na’u i helu a hookahi hau,
A ehiku hau keu
O ke ama hau la akahi,
O ka iako hau la alua,
O ka ilihau la akolu,
O ka laau hau la aha,
O ke opu hau la alima,
O ka nanana hau la aona,
O ka hau i ka mauna la ahiku.

“E ke keiki, make paha auanei i ka hau ole? Ohi ae nei makou i na hau a pau, aohe hau i koe; a i loaa ia oe, ola oe, a i loaa ole, make oe.”

Wilia ka pou o ko ihu la
Kaa ka la i Kumakena,
Oo ia ko maka i kumu kahili,
Poha mai ka wale,
Omo aku ko makou akua hoopapa,
O Kaneulupo.

Keiki: “A loaa ka hoi kau ka ke kanaka makua, ua hele a pilo ke kui, e o hoi e loaa ka’u ka ke keiki, e loaa hoi paha ka’u, ka ke keiki, e nana ai, i ola ai hoi au alua, imi hoi paha au a i loaa ole ka’u hau, ola oukou, aka hoi i loaa, make oukou ia’u.”

Wili ka pou o ka ihu,
Kaa ka la i Kumakena,
Oo ia ka maka i ka welau o ke kahili,
A poha mai ka wale,
Omo aku ko’u wahi akua hoopapa
O Kanepaiki.

Kanaka: A hua a pane,
He pane ko ona,
He hoolohe ko onei.

Keiki: E ke ’kua, aina ka maka,
O na kanaka makua hoopapa,
Aina ka maka i pau.

“Alaila, olelo aku ua keiki nei i kana mau hau.”

Aina hau kinikini o Kona,
Na’u i helu hookahi hau,
A ehiku hau keu,
O Honokohau la akahi
O Lanihau la alua,
O Puuohau la akolu
O Kahauloa la aha,
O Auhaukea la alima,
O Kahauiki la aono
Holo kehau i ka waa Kona la ahiku.

“Ahiku hau la, he ole hau ia la, e kanaka makua kuilena, kui pilo? He hau ia.”

Pane mai o Kalanialiiloa: “Hau paha; kai no paha ua pau ka hau ia lakou nei i ka ohi a pau, aole ka! E ike me ke keiki, e hoaikane.” Hoole mai na kumu hoopapa: “Aole, malama o ka mea ia i loaa iaia.”

Kanaka: Hiki mai, hiki mai e ka la e,
Paina liilii ka hua a ka ulu e!
Ka hua a ka uala aia i lalo,
Ka hua a ke kalo aia i lalo,
Ka hua a ka ipu la aia i lalo,
Ka hua a manu la aia i lalo,
Ka hua a ka uhi la aia i lalo.

“Make e ke keiki; ohi ae nei makou i na hua o ka lepo a pau, pau loa, aohe hua i koe o ke keiki.”

Keiki: Hiki mai, hiki mai e ka la e!
Ka hua a ka niu la kau i luna,
Ka hua a ka ulu la kau i luna,
Ka hua a ke kukui la kau iluna,
Ka hua a ka ohia la kau iluna,
Ka hua a ka maia la kau iluna,
Ka hua a ka manu la kau iluna.

“Aole ia la he hua, ea? He hua.”

Kanaka: Kuu moku la e kuu moku,
Moku kele i ka waa o Kaula,
Moku kele i ka waa Nihoa,
Moku kele i ka waa Niihau,
Lehua, Kauai, Molokai, Oahu,
Maui, Lanai, Kahoolawe,
Molokini, Kauiki, Mokuhano,
Makaukiu, Mokapu, Mokolii.

“Make e ke keiki, aohe moku i koe, lawe ae nei makou i na moku a pau loa, aohe moku i koe.”

Keiki: Kuu moku e, kuu moku,
O Mokuola, ulu ka ai,
Ulu ka niu, ulu ka laau,
Ku ka hale, holo na holoholona.

“Aole ia la he moku? He moku ia, aia i loko o ke kai.”

Kanaka: Hai ka niho la ola.

Keiki: Moku ke ki la make.

Kanaka: Kui ia ka niho oia nei a pau, aohe make.
Moku ke ki poolua e, moku, moku ke poo,
Moku ke ki poohiwi e, moku, moku ka poohiwi,
Moku ke kikala e, moku.

Pela ka lakou hoopapa ana a make i ke keiki. A ke ki pau i ka make, pau i ka umu i ke kalua ia e ia nei; o na iwi, holehole ia, pela keia i hoopai ai i ko lakou hewa no ka make ana o ka makuakane ia lakou.

LEGEND OF LAUKIAMANUIKAHIKI.

Makiioeoe was the father and Hina was the mother of Laukiamanuikahiki. Kuaihelani was the home of Makiioeoe where he ruled as king and where his queen lived from whom he had one child, Kahikiula by name. Hina belonged to Kauai, where Laukiamanuikahiki [833] was born. Makiioeoe in his travels came to Kauai where he met Hina and took her to wife, and after living with her for some time, Hina conceived a child. Shortly after this Makiioeoe prepared to return to Kuaihelani; so he said to Hina: “I am going home. If you should give birth to a boy give him my name; but in case it should be a girl call her Laukiamanuikahiki. If after you bring the child up she should express a desire to come in search of me, these shall be the tokens by which I shall recognize the child: this necklace of whale’s teeth, this bracelet, this feather cloak. [834] She must be accompanied by a large canoe, a small canoe, large men, small men, a red canoe, red sails, [835] red bailing cup, red cords and a red man.” Makiioeoe then took his leave and returned to Kuaihelani. When he arrived home he instructed his guards as to the sign by which to recognize his daughter [836] and he also instructed his servants to proceed and plant all kinds of fruit and other things for his daughter Laukiamanuikahiki. He also caused a pool of water to be made as well as other things and placed a kapu on them all to be free only after the same shall have been used by Laukiamanuikahiki.

After the birth of Laukiamanuikahiki, Hina and her husband brought her up all by themselves. It was Laukiamanuikahiki’s custom to bring in other children to their home and give them all the food; which action caused her father to get angry and very often punished her. This punishment was kept up by the father for some time. [837] Because of this, the child suspected that this man could not be her own father; so she began questioning her mother who her own father was until the mother could bear it no longer. Hina then said to Laukiamanuikahiki: “You go to that cliff; that is your father.” Upon coming to the cliff, she asked: “Are you my father?” The cliff denied this saying: “I am not your father.” The child returned to Hina and begged: “Tell me of my father.” “Yes, you go to that bambu bush, that is your father.” When she arrived at the place, she asked the bambu bush: “Are you my father?” “I am not your father, Makiioeoe is your father, he has gone back to Kuaihelani.” When Laukiamanuikahiki again arrived in the presence of her mother she said: “You have deceived me. Makiioeoe I understand is my father and he has gone back to Kuaihelani. You have hidden this from me.” “Yes, he is your father, and he has left word that you must not come to him without a sign or you will have a terrible suffering. You have to go to him in a red canoe having red sails, red cords, red men and must be accompanied by a large canoe, a small canoe, large men and small men.” Laukiamanuikahiki replied: “I am not going to remain, I am going in search of my father.” “Yes, you may go, but you will have to suffer untold agony. Go until you come to two old women roasting bananas by the wayside. They are your grandmothers, for they are my own mother and aunt. Reach down and take away the bananas and let them search for them until they ask whose offspring you are, then tell them, ‘Your own.’ ‘Ours from whom?’ ‘From Hina.’ Then when they ask you, ‘What brings you our lord [838] here to us?’ Tell them, ‘I want a roadway.’”

When she arrived in the presence of the old women she followed according to the instruction of Hina. At the conclusion the old women said: “There is a roadway; here it is, a bambu stalk. You climb to the top of it and when it leans over it will reach Kuaihelani.” Laukiamanuikahiki then climbed to the top of the bambu stalk and sat there. The bambu then began to shoot up and when it had reached a great distance it leaned over until the end reached Kuaihelani. Laukiamanuikahiki stepped off the bambu and proceeded along the road until she met a girl whom she took as a friend. They then went along until they came to a flower garden. The flowers of this garden were all kapu; none were to string them into wreaths until they shall have been picked by the daughter of Makiioeoe; the flowers of the ilima, [839] the marigold and other flowers and also the maile vine. There were guards in the garden who were watching the flowers. Laukiamanuikahiki, however, reached out and picked the flowers, took the maile vines and broke them off. When they came to the pool of water, which had been kapued until it was first used by the daughter of Makiioeoe, Laukiamanuikahiki uncovered herself and plunged into the pool of water, when a turtle came up to her and began rubbing her back. After she finished bathing she went up on the bank. When the guards saw what she had done, they said: “You are indeed a strange girl bathing in the pool of water which is kapued and reserved only for the king’s daughter. You will indeed die.”

When the guards arrived in the presence of Makiioeoe, they told him of all the girl’s doings. Makiioeoe then ordered that wood be prepared for the girl and to pack it to the seashore where the umu was to be started the next day, for on that day the girl was to be killed. The guards then returned, took the girl by the hands, bound them at her back and led her to the pig house where she was tied, the guards standing watch over her that night.

That night her friend came and asked that she too be bound; but Laukiamanuikahiki said: “No, you must be at liberty so as to bring me food, meat and clothing.” Her friend consented to this.

At midnight a bird perched on the house where she was being held; it was an owl. This owl was the supernatural aunt of Hina, who had come all the way from Kauai because she knew of the coming peril of her grandchild, and who had in its keeping the tokens that had been given by Makiioeoe to Hina by the means of which she was to be known or recognized upon her arrival at Kuaihelani.

The owl then called out to Laukiamanuikahiki:

Say! Laukiamanuikahiki,
The daughter of Makiioeoe,
The daughter of Hina,
Die you will, die you will.

Laukiamanuikahiki replied:

Thou wicked owl! Thou wicked owl,
Thus revealing my name
As Laukiamanuikahiki,
Daughter of Makiioeoe,
Daughter of Hina,
You are a deceiving owl.

This call and reply was repeated twice before the guards heard it, when they sat up and listened to the call and they understood the meaning conveyed by the owl in its call. At this one of the guards said to his companion: “Say, this must be Laukiamanuikahiki, the king’s own daughter.” The other replied: “No, this cannot be the one, for she was to come in a red canoe having red sails, red paddles, red men, a large canoe, a small canoe, large men and small men; these I understand are the things that should accompany her; this girl on the other hand is a poor girl for she has come without any of these things.” The two again listened to the conversation between the owl and girl. After a while they agreed to go up and tell the king of the possibility of this girl being his daughter. They arrived at the home of Makiioeoe after midnight and roused him up saying: “Say, you wake up.” “What is it?” said Makiioeoe. “There is an owl right over the pig house where the girl is held who called out to the girl in the following way:

Say! Laukiamanuikahiki,
Daughter of Makiioeoe,
Daughter of Hina,
Die you will, die you will.

The girl then answered:

Thou wicked owl! Thou wicked owl,
Thus revealing my name
As Laukiamanuikahiki,
Daughter of Makiioeoe,
Daughter of Hina,
You are a deceiving owl.

This was the conversation carried on between the two. “Yes, she is my daughter, Laukiamanuikahiki.” The king then accompanied by the guards proceeded to the place where they were stationed when they heard the conversation, and Makiioeoe sat down and listened for the call of the owl and for the girl’s reply.

At the conclusion of the conversation between the owl and the girl, the king knew this was his own daughter, Laukiamanuikahiki. He then broke into the house, took up his daughter and wept over her.

After the guards had departed to inform the king, the owl flew down and clapped its wings on the girl, placed the necklace of whale’s teeth around the girl’s neck, girded a pa-u around her waist and placed the feather cloak over her. These being the tokens left by Makiioeoe in the keeping of Hina.

After it had become broad daylight, Makiioeoe ordered that the umu be started; when it was sufficiently heated the people who had ill-used the girl were then thrown into the umu and they all perished. The girl who befriended Laukiamanuikahiki was made a high chiefess and she lived with Laukiamanuikahiki. Soon after this a kapu was placed over Laukiamanuikahiki and she was forbidden from going out of her living house and no one was allowed to pass by her house or to speak to her. Laukiamanuikahiki was a very beautiful woman to behold and she had no equal in all the land of Kuaihelani, for her beauty could be seen on the outside of the house, like a bright light.

About this time Kahikiula the son of Makiioeoe by his first wife arrived from Kahikiku. This young man was married to Kahalaokolepuupuu of Kahikiku and had come to Kuaihelani without his wife on a visit to his parents. When Kahikiula arrived he was accompanied by his followers in a red canoe, with red sails, red cords, red paddles, red men, large canoes, small canoes, large men and small men.

Upon the arrival of Kahikiula at Kuaihelani he was met by his mother and father and all the people. Soon after this Makiioeoe requested Kahikiula to go and meet his sister, Laukiamanuikahiki, which invitation was accepted. When they were near the house, Kahikiula looked and saw a bright light on the outside of the house; so he said to Makiioeoe: “Say, your house is on fire!” Makiioeoe replied: “That is not a fire, it is some person sleeping within, it is your sister.” They then entered the house and Makiioeoe approached the bed and roused his daughter saying: “Wake up, here is your brother Kahikiula.” Laukiamanuikahiki awoke from her sleep and turned down on her breast. She then looked up at Kahikiula and greeted him. [840] What a sight it was to behold these two; one was as handsome as the other was beautiful; both were equal in good looks, Kahikiula and Laukiamanuikahiki.

At sight of this, Makiioeoe said to Kahikiula: “Now I request of you that you take her as your wife.” That night they were covered by the same kapa. They lived as husband and wife for fifty days when Kahikiula begged that he be allowed to return to Kahikiku. Laukiamanuikahiki then said: “You cannot go unless you take me along with you.” “It cannot be, for you will surely experience terrible suffering through the anger of your sister-in-law. You must remain, and I will return.” As Kahikiula kept begging so often to return to Kahikiku, Laukiamanuikahiki finally consented and allowed him to go, saying: “Yes, you may return, but don’t blame me if I should decide to follow you later on, or I will kill you and also your wife, Kahalaokolepuupuu.” Kahikiula then took his departure and returned to Kahikiku to live with Kahalaokolepuupuu. Laukiamanuikahiki remained, but was so overcome with love for Kahikiula, that she wept; and when she saw the clouds drifting in the sky towards Kahikiku, she chanted the following lines:

The sun is up, it is up,
My love is ever up before me.
It is causing me great anxiety,
It is pricking me at my side
For love is a burden, when one is in love,
And falling tears are its due.

When the desire became more than she could bear and the love for Kahikiula could not be put aside from her by day and by night, she decided to go to the seashore one day and weep there; and as her weeping came to an end she called out: “Ye turtle with your shiny back, my grandmother of the sea, come to me; here I am your grandchild, Laukiamanuikahiki, daughter of Makiioeoe and Hina.”

At the close of the call a turtle with a shiny back approached her and opened up its back. Laukiamanuikahiki then entered into the turtle, the top was closed and the turtle dove under water and swam until it arrived at Kahikiku. Upon its arrival at Kahikiku the turtle uncovered its back and Laukiamanuikahiki walked out on the seashore, while the turtle disappeared. Laukiamanuikahiki then went on her way until she came to a fish pond which belonged to Kahalaokolepuupuu, the wife of Kahikiula. At this place Laukiamanuikahiki changed herself into the form of an old woman and concealed her identity by calling out:

Ye forty thousand gods,
Ye four hundred thousand gods,
Ye rows of gods,
Ye collection of gods,
Ye older brothers of the gods,
Ye four-fold gods,
Ye five-fold gods,
Take away my good looks and keep it concealed.
Give me the form of an old woman, bowed down in age and blear-eyed.

At that very moment she was transformed into an old woman wandering along the seashore with a stick in her hand picking out sea-eggs.

Within this fish pond owned by Kahalaokolepuupuu, were kept the aholehole, [841] nehu, [842] iao, [843] and all fish of this species and moss. Through the supernatural powers of Laukiamanuikahiki all the fish in the pond disappeared, which left the pond without a single fish. While she was crawling along the seashore two messengers from Kahalaokolepuupuu arrived and called out: “Say, you old woman, you have taken all the queen’s fish. You are a thieving old woman.” She replied: “I did not take them. The fish from this pond disappeared long before this; but since you have seen me here you are attributing their disappearance to me.” At this time she was given a new name, Lipewale, by the messengers. They then said to the old woman: “Let us go to the house, your name, Lipewale, is that of the queen’s sickness.” When they arrived at the house, one of the messengers said: “There is not a single fish in the pond, all have been taken by this old woman. When we found her she was taking the sea-eggs.” Kahalaokolepuupuu then addressed the old woman saying: “I am going to call you Lipewale, the name of my ailment. You will take this name, will you not? I will supply you with food, clothing, house to live in and you will live with me.”

That night when they retired, Kahikiula approached the place where Lipewale was sleeping and kissed her. She then cried out: “Who is kissing me?” Upon hearing this Kahalaokolepuupuu called out: “What is it, Lipewale?” But she would not answer. In doing this Kahikiula showed that he had recognized his sister, Laukiamanuikahiki.

This was carried on for several nights. Whenever she knew that her brother and sister-in-law were about to retire together, she would get up and rattle the calabashes forcing her sister-in-law to come and ask her reason for thus creating a disturbance; when she would say, that it was a rat; she did this because she did not want them to sleep together.

One day Kahalaokolepuupuu said to Laukiamanuikahiki: “Say, Lipewale, let us go up and get some kukui nuts to print my pa-u with.” Lipewale consented to this. When they arrived at the place, they collected the kukui nuts and put them into a bundle. After this was done Kahalaokolepuupuu said to Lipewale: “You will have to carry our bundle of kukui nuts.” “Yes, I will take it.” The others then went on ahead leaving Lipewale behind with the bundle of nuts tied to her back. After she started on her way, she put her hands behind her back, opened the bundle and allowed the kukui nuts to drop on the road. When they arrived at the house all the nuts were gone. Upon being questioned: “Say, Lipewale, what has become of your kukui nuts?” She answered: “You fixed the bundle and I put it on my back and followed behind you. I have no eyes at my back to see whether the nuts were falling out of the bundle or not.”

After this Kahalaokolepuupuu said to Lipewale: “You will have to stay home and print my pa-u while the rest of us go down and have a sea bath.” Lipewale was therefore left behind to print the pa-u. She first went out and got some filth and came back and proceeded to carry out the order by smearing the bambu sticks lengthwise and crosswise and began the printing of the pa-u. This did not take very long, so she followed along behind the others and went in sea bathing. On the way down to the sea, she caused herself to be transformed back to her usual self and she again possessed all her beauty. She continued on down and when she was near the others she passed on by and bathed at some distance from them. When she was finished she went right along up home. When the others saw her returning home they chased on behind, but they could not catch up and she arrived at home some time before the others, when she was once more transformed into the form of an old woman. When the others arrived at home, they asked her: “Say, did you see a beautiful woman who came up this way from below?” “No, I have not seen her. I have been sitting out here all this time until you returned.” After the others had gone to the dancing house she remained with her brother Kahikiula. She went outside of the house and called out:

Ye forty thousand gods,
Ye four hundred thousand gods,
Ye rows of gods,
Ye collection of gods,
Ye four thousand gods,
Ye older brothers of the gods,
Ye gods that smack your lips,
Ye gods that whisper,
Ye gods that watch by night,
Ye gods that show your gleaming eyes by night,
Come down, awake, make a move, stir yourselves,
Here is your food, a house.

At that very moment her beauty was restored to her, while the gods set fire to the dancing house, consuming the house, her sister-in-law and all the people who had insulted her; they all perished.

After this Kahikiula called out to his sister: “Come in, Laukiamanuikahiki.” She refused, saying: “I will not come to you, for you have caused me to suffer in your own home. Here I am returning to Kuaihelani.”

In this legend, it is seen that it was not considered wrong for a brother to take his sister to wife. It is also seen that they also suffered in those days just as we do in these days. They also hated one another and in fact lived as we now live. [844] Therefore these customs of days gone by are guidings for after generations.

KAAO NO LAUKIAMANUIKAHIKI.

O Makiioeoe ka makuakane, o Hina ka makuahine (o Kuaihelani ko Makiioeoe aina, oia ke ’lii olaila, he wahine no kana e noho ana i Kuaihelani, hookahi keiki me ia wahine, o Kahikiula ka inoa). No Kauai o Hina, ilaila kahi i loaa ai o Laukiamanuikahiki. Mai Kuaihelani ka Makiioeoe hele ana mai, a loaa o Hina i Kauai, moe laua; a liuliu, hapai o Hina. Ia wa, hoi o Makiioeoe i Kuaihelani, olelo aku ia Hina: “E, ke hoi nei au; e noho oe a i hanau he keiki kane, kapa oe i kuu inoa; a i hanau he kaikamahine, kapa oe i ka inoa o Laukiamanuikahiki. I hanai oe a i nui, a manao e hele ae e imi ia’u, eia na hoailona, he lei palaoa, he kupee, he ahuula, he waa nui, he waa iki, he kanaka nui, he kanaka iki, he waa ula, he pea ula, he ka ulaula, he aha ula, he kanaka ula.” Hoi aku la o Makiioeoe i Kuaihelani, me ka olelo i na kiai i ke ano o ke kaikamahine, a me ke kanu i na mea a pau loa no Laukiamanuikahiki, na kiowai a me na mea e ae, kapu a noa ia Laukiamanuikahiki.

Hanau o Laukiamanuikahiki, hanai iho la o Hina me kana kane, a nui. He mea mau ia Laukiamanuikahiki, ke alakai i kamalii a ka hale, haawi i ka ai a pau, huhu ka makuakane, pepehi iho la ia Laukiamanuikahiki. Pela ka hana mau ana a ka makuakane, a uluhua ka makuahine o Hina i ka ninau o ke kaikamahine i kona makuakane. I aku o Hina ia Laukiamanuikahiki: “O hele a kela pali la o ko makuakane ia.” Hiki aku la keia a ka pali, ninau ana: “O oe paha ko’u makuakane?” Hoole mai ka pali: “Aole au o kou makuakane.”

Hoi aku la keia a mua o Hina koi aku la: “E hai mai oe i ko’u makuakane.” “Ae; o hele a kela opu ohe la o ko makuakane ka hoi ia.” Hiki aku la keia ilaila, olelo aku la i ke opu ohe: “O kuu makuakane paha oe?” “Aole au o kou makuakane; o Makiioeoe kou makuakane, ua hoi i Kuaihelani.” A hiki keia i mua o Hina, olelo aku la: “Hoopunipuni oe ia’u; o Makiioeoe ka hoi ko’u makuakane la ua hoi i Kuaihelani, huna oe i’au.” “Ae, o ko makuakane ia; ua olelo mai ia’u, aole oe e hele malu aku o mainoino oe, aia he waa ula, he pea ula, he kaula ula, he kanaka ula, he waa nui, he waa iki, he kanaka nui, he kanaka iki.”

I aku o Laukiamanuikahiki: “Aole au e noho, e imi ana au i ko’u makuakane.” “Ae, e hele ana nae oe, e mainoino ana oe; e hele oe a loaa na luahine elua e pulehu maia ana i ke alanui, he mau kupunawahine ia nou, o ko’u mau makuahine no ia. Lalau iho oe i ka maia a lawe ae, na laua ia e huli a loaa ole, ninau iho: ‘Nawai ke kupu o oe?’ Hai aku oe: ‘Na olua no.’ ‘Na maua nawai?’ ‘Na Hina,’ na laua e olelo mai, ‘heaha ka huakai a ko maua haku i hiki ia ianei?’ ‘He alanui,’ pela aku oe.”

A hiki keia i ua mau luahine nei, hana aku la keia e like me ka Hina olelo i olelo mai ai; a pau ia, i mai na luahine: “He alanui, eia la o ka ohe; e pii oe a luna, nana ia e moe aku a hiki i Kuaihelani.” Pii ae la o Laukiamanuikahiki a luna o ka ohe noho; kupu ae la ka ohe a kiekie i luna, moe aku la ka welau a hiki i Kuaihelani. Hele aku la o Laukiamanuikahiki ma ke alanui, e noho ana he kaikamahine, lawe ae la keia i aikane, hele aku la laua nei a hiki i ka mala pua. Ua kapu na pua a pau loa, a lei o Laukiamanuikahiki; ka ilima, ka maile, ka melekule, a me na pua e ae. E noho ana na kiai i ka pua. Lalau aku la o Laukiamanuikahiki, ako ana, a pau, uu ana i ka maile; a hiki keia i ke kiowai kapu, ua hoohiki ia a auau o Laukiamanuikahiki; wehe ae la keia i kahi kapa a lele aku la i loko o ka wai, lele mai la ka honu, anaanai i ka lepo o ke kua o ia nei, a pau ka auau ana hoi ae la i luna. I mai na kiai: “Kupanaha oe e na kaikamahine i auau iho nei i ke kiowai kapu o ke kaikamahine a ke ’lii, o Laukiamanuikahiki; e make ana oe.”

A hiki na kiai i mua a Makiioeoe, hai aku la i na hana a ke kaikamahine a pau. Kena ae la o Makiioeoe, i na kanaka i wahie, no ke kaikamahine, amo aku a kai, apopo, ho-a ka umu, ia la e make ai ke kaikamahine. Hoi aku la na kiai a hiki, lalau aku la i na lima o Laukiamanuikahiki lilo i ke kua paa iho la i ke kaula; lawe ia aku la a ka puoa hale puaa, hikii ia a paa ilaila, noho aku la na kiai ma waho ia po. Lele aku kahi aikane e paa pu i ke kaula, hoole mai ke aikane: “Aole, e malama mai oe i wahi ai na’u, i wahi ia na’u, i wahi kapa no’u.” Ae mai ke aikane, “Ae.”

I ke aumoe, i ka huli ana o ke kau, kau ana keia manu, he pueo i luna o ka puoa o ia nei e paa nei. O keia pueo, he makuahine no no Hina, mai Kauai ka lele ana aku a hiki i Kuaihelani, no ka ike e make ana ka moopuna. Aia iaia na makana a Makiioeoe i haawi ai ia Hina, i hoike no Laukiamanuikahiki e hele ai i Kuaihelani.

Kahea ana ua pueo nei ia Laukiamanuikahiki:

E Laukiamanuikahiki e,
Kaikamahine a Makiioeoe,
Kaikamahine a Hina
Make oe, make oe.

Pane ae o Laukiamanuikahiki i ka pueo:

Pueo ino, pueo ino,
Hahai wale ana no oe i ko makou inoa,
O Laukiamanuikahiki,
Kaikamahine a Makiioeoe,
Kaikamahine a Hina,
Wahehee oe e na pueo.

Elua hana ana peia, lohe na kiai, ala ae la hoolohe, a maopopo ia laua ka olelo a ka pueo. I aku kekahi i kekahi: “E, o ke kaikamahine no paha keia a ke ’lii, o Laukiamanuikahiki.” I mai kekahi: “Aole ia; he waa ula kona, he pea ula, he hoe ula, he kanaka ula, he waa nui, he waa iki, he waa loa, he kanaka nui, he kanaka iki, oia kona ano ke hele mai, aole keia kaikamahine ilihune.” Hoolohe hou laua nei, i ka olelo a ka pueo a me Laukiamanuikahiki. “E pii kaua e olelo i ke ’lii, malama o ke kaikamahine no keia.” Ae aku kekahi. “Ae.” Hiki laua i mua o Makiioeoe ke ’lii, i ke aumoe, hoala aku la: “E ia nei, e ala ae oe.” “Heaha?” wahi a Makiioeoe. “He pueo, aia maluna pono o ka puoa i paa ai ke kaikamahine. Penei ka olelo a ka pueo, a maua i lohe aku i ke kahea iho i ke kaikamahine.

E Laukiamanuikahiki e,
Kaikamahine a Makiioeoe,
Kaikamahine a Hina,
Make oe, make oe.

Kahea ae ke kaikamahine i ka pueo:

Pueo ino, pueo ino
Hahai wale ana oe i ko makou inoa,
O Laukiamanuikahiki,
Kaikamahine a Makiioeoe,
Kaikamahine a Hina,
Wahahee oe e na pueo.

Oia na olelo a ka pueo i ke kaikamahine la. “Ae, o kuu kaikamahine na o Laukiamanuikahiki.” Iho lakou nei a hiki, a kahi o na kiai e noho ai. Noho iho la o Makiioeoe, hoolohe i ke kahea a ka pueo.