Chapter XXV: Appendix: (page 120)

ROCK OF AGES—IN LATIN.
BY W. E. GLADSTONE.

Jesus, pro me perforatus,
Condar intra Tuum latus,
Tu per lympham profluentem,
Tu per sanguinem tepentem,
In peccata me redunda,
Tolle culpam, sordes munda.

Coram Te, nec justus forem
Quamvis totâ si laborem,
Nec si fide nunquam cesso,
Fletu stillans indefesso:
Tibi soli tantum munus;
Salva me, Salvator unus!

Nil in manu mecum fero,
Sed me versus crucem gero;
Vestimenta nudus oro,
Opem debilis imploro;
Fontem Christi quæro immundus
Nisi laves, moribundus.

Dum hos artus vita regit;
Quando nox sepulchro tegit;
Mortuos cum stare jubes,
Sedens Judex inter nubes;
Jesus, pro me perforatus,
Condar intra Tuum latus.

--------------