Chapter XX: Appendix: The Lovely Northerne Lasse (4)

22
Then up got Lizie Lindsey,
And the tear blindit her ee:
‘O, gin I war in Edinbruch city,
The Hielands shoud never see me!’

23
‘Won up, won up, Lizie Lindsey,
A fairer sicht ye hae to see:
Do ye see yon bonnie braw castle?
Lady o it ye will be.’

* * * * *

D

From a Note-Book of Joseph Robertson, January, 1830, No. 6; derived
from John Hill Burton.

1
There dwalt a lass in the South Countrie,
Lizzy Lindsay called by name,
And many a laird and lord sought her,
But nane o them a’ could her gain.

2
Out spoke the heir o Kinkawsie,
An down to his fader spoke he;
‘Fat would ye think o me, fadther,
Fat would ye think o me,
To go to Edinburgh city,
Bring hame Lizzy Lindsay wi me?’

3
Out and spoke his auld modther,
An auld revrend lady was she;
‘Court her wi nae fause flatterie,
But in great policie.’

4
He was nae in Edinbruch citie
But a twalmont an a day,
When a’ the young lairds an the ladies
Went forth to sport an play:
There was nane like Lizzy Lindsay,
She was baith gallan an gay.

5
‘Will ye go to the Hielans, Lizzy Linsay?
Will ye go to the Hielans wi me?
If ye’ll go to the Hielans, Lizz[y] Linsay,
I’ll gar ye get crouds an green whey.’

6
‘How can I go to the Hielans?
Or hoo will I go with thee?
I dinna ken whaar I’m going,
Or fa ‘t is I would go wi.’

7
‘My fadther he is an auld couper,
My modther a brave auld dey;
If ye’ll go to the Hieland[s], Lizzy Linsay,
I’ll gar ye get cruds and green whey.’

8
Out it spoke Lizzy’s best maiden,
A wat a fine creature was she;
‘Tho I were born heir till a crown,
It’s young Donald t_ha_t I would go wi.’

9
‘Oh say ye sae to me, Nelly?
Oh say ye sae to me?
Will I cast off my fine gowns and laces,
An gae to the Highlans him wi?’

10
She’s putten her hand in her pocket,
She’s taen out ten guineas roun:
‘And that wad I gie to thee, Donald,
To stay but ae hour i my room,
Till I get your fair pictur painted,
To haud me unthought lang.’

11
‘I care as little for your guineas
As you can care for mine;
But gin that ye like my fair face,
Then gae wi me, if that ye incline.’

12
Out it spak Lizzy’s auld mither,
I wite a fine lady was she;
‘Gin I hear you speak sae to my daughter,
I vow I’se cause them hang thee.’

13
He turned about on his heel,
And a loud, loud laughter gae he:
‘They are not in Edinburgh city,
I trow, that dare hang me.

14
‘But an ye come to the Canongate-Port—
An there ye’ll be sure to see me—
Bring wi ye a bottle of sherry,
I’ll bear you good company.’

15
They sought all Edinboro citie,
They sought it roun an roun,
Thinkin to fin Lizzy Lindsay,
But awa to the Highlans she’s gane.

16
Whan they came to the shielin,
Out bespoke the ould dye;
‘You’re welcome home, Sir Donald,
Lang hae we been thinkin for thee.’

17
‘Ye’ll call me nae mair Sir Donald,
Ye’ll call me nae sic thing;
But ye’se be my auld mither,
And I’se be Donald your sin.

18
‘Ye’ll mak for us a supper,
A supper o cruds and green whey,
And likewise a bed o green rashes,
For Lizzy and I to ly.’

19
She’s made for them a supper,
A supper o cruds and why,
And likewise a bed o green rashes,
For Lizzy an him to ly.

20
But Donald rose up i the mornin,
The rest o his glens to spy;
It was to look for his goats,
His goats, his yows, an his kye.

21
But Lizzy, beein wearied wi travel,
She lay till ’twas lang i the day:
‘Get up, get up, Lizzy Linsay,
What maks you sae lang for to ly?
You had better been helping my mither
To milk her yews and her kye.’

22
But Lizzy drew till her her stockins,
The tears fell down on her eye:
‘I wish I were at Edinboro city,
I can neither milk yews nor kye.’

23
‘Oh hold your tongue, Lizzy Linsay,
Your weepin I mustna be wi;
I’ll sen you hame to your mither,
In the greatest o safety.’

24
But he has tane her by the han,
And has shewn her the straight way to go:
‘An dont you see bonny Kincawsie,
Wher you and I is to ly?’

25
Out then comes his old mither,
An twenty brave knichts her wi:
‘Y’er welcome home, Sir Donald,
Lang hae we been thinkin for thee.’

26
Out then comes his old father,
An twenty brave ladies him wi:
‘You’r welcome home, Sir Donald,
An that fair creature you wi.’

27
He’s taken her by the han,
An he’s shewn her the straight way in:
‘An ye’se be Lady Kincawsie,
An ye’se hae Donal, my sin.’

* * * * *

E

Buchan’s Ballads of the North of Scotland, II, 102.

1
In Edinburgh lived a lady,
Was ca’d Lizie Lindsay by name,
Was courted by mony fine suitors,
And mony rich person of fame:
Tho lords o renown had her courted,
Yet none her favour could gain.

2
Then spake the young laird o Kingcaussie,
And a bonny young boy was he;
‘Then let me a year to the city,
I’ll come, and that lady wi me.’

3
Then spake the auld laird o Kingcaussie,
A canty auld mannie was he;
‘What think ye by our little Donald,
Sae proudly and crously cracks he?

4
‘But he’s win a year to the city,
If that I be a living man;
And what he can mak o this lady,
We shall lat him do as he can.’

5
He’s stript aff his fine costly robes,
And put on the single liverie;
With no equipage nor attendance,
To Edinburgh city went he.

6
Now there was a ball in the city,
A ball o great mirth and great fame;
And fa danced wi Donald that day
But bonny Lizie Lindsay on the green!

7
‘Will ye gang to the Hielands, bonny Lizie?
Will ye gang to the Hielands wi me?
Will ye leave the South Country ladies,
And gang to the Hielands wi me?’

8
The lady she turned about,
And answered him courteouslie;
‘I’d like to ken faer I am gaun first,
And fa I am gaun to gang wi.’

9
‘O Lizie, ae favour I’ll ask you,
This favour I pray not deny;
Ye’ll tell me your place o abode,
And your nearest o kindred do stay.’

10
‘Ye’ll call at the Canogate-Port,
At the Canogate-Port call ye;
I’ll gie you a bottle o wine,
And I’ll bear you my companie.’

11
Syne he called at the Canogate-Port,
At the Canogate-Port calld he;
She gae him a bottle o wine,
And she gae him her companie.

12
‘Will ye gang to the Hielands, bonny Lizie?
Will ye gang to the Hielands wi me?
Will ye leave the South Country ladies,
And gang to the Hielands wi me?’

13
Then out spake Lizie’s auld mither,
For a very auld lady was she;
‘If ye cast ony creed on my dochter,
High hanged I’ll cause you to be.’

14
‘O keep hame your dochter, auld woman,
And latna her gang wi me;
I can cast nae mair creed on your dochter,
Nae mair than she can on me.’

15
‘Now, young man, ae question I’ll ask you,
Sin ye mean to honour us sae;
Ye’ll tell me how braid your lands lie,
Your name, and faer ye hae to gae.’

16
‘My father he is an auld soutter,
My mither she is an auld dey,
And I’m but a puir broken trooper,
My kindred I winna deny.

17
‘Yet I’m nae a man o great honour,
Nor am I a man o great fame;
My name it is Donald M’Donald,
I’ll tell it, and winna think shame.

18
‘Will ye gang to the Hielands, bonny Lizie?
Will ye gang to the Hielands wi me?
Will ye leave the South Country ladies,
And gang to the Hielands wi me?’

19
‘O Donald, I’ll gie you ten guineas,
If ye woud but stay in my room
Until that I draw your fair picture,
To look on it fan I think lang.’

20
‘No, I carena mair for your guineas,
Nae mair than ye care for mine;
But if that ye love my ain person,
Gae wi me, maid, if ye incline.’

21
Then out spake Lizie’s bower-woman,
And a bonny young lassie was she;
Tho I was born heir to a crown,
Young Donald, I woud gang him wi.

22
Up raise then the bonny young lady,
And drew till her stockings and sheen,
And packd up her claise in fine bundles,
And awa wi young Donald she’s gane.

23
The roads they were rocky and knabby,
The mountains were baith strait and stay;
When Lizie grew wearied wi travel,
For she’d travelld a very lang way.

24
‘O turn again, bonny Lizie Lindsay,
O turn again,’ said he;
‘We’re but ae day’s journey frae town,
O turn, and I’ll turn wi thee.’

25
Out speaks the bonny young lady,
Till the saut tear blinded her ee;
Altho I’d return to the city,
There’s nae person woud care for me.

26
When they came near the end o their journey,
To the house o their father’s milk-dey,
He said, Stay still there, Lizie Lindsay,
Till I tell my mither o thee.

27
When he came into the shielen,
She hailed him courteouslie;
Said, Ye’re welcome hame, Sir Donald,
There’s been mony ane calling for thee.

28
‘O ca me nae mair, Sir Donald,
But Donald M’Donald your son;
We’ll carry the joke a bit farther,
There’s a bonny young lady to come.’

29
When Lizie came into the shielen,
She lookd as if she’d been a feel;
She sawna a seat to sit down on,
But only some sunks o green feall.

30
‘Now make us a supper, dear mither,
The best o your cruds and green whey;
And make us a bed o green rashes,
And covert wi huddins sae grey.’

31
But Lizie being wearied wi travel,
She lay till ’twas up i the day:
‘Ye might hae been up an hour seener,
To milk baith the ewes and the kye.’

32
Out then speaks the bonny young lady,
Whan the saut tear drapt frae her eye;
I wish that I had bidden at hame,
I can neither milk ewes nor kye.

33
‘I wish that I had bidden at hame,
The Hielands I never had seen,
Altho I love Donald M’Donald,
The laddie wi blythe blinking een.’

34
‘Win up, win up, O bonny Lizie,
And dress in the silks sae gay;
I’ll show you the yetts o Kingcaussie,
Whare I’ve playd me mony a day.’

35
Up raise the bonny young lady,
And drest in the silks sae fine,
And into young Donald’s arms
Awa to Kingcaussie she’s gane.

36
Forth came the auld laird o Kingcaussie,
And hailed her courteouslie;
Says, Ye’re welcome, bonny Lizie Lindsay,
Ye’re welcome hame to me.

37
‘Tho lords o renown hae you courted,
Young Donald your favour has won;
Ye’se get a’ the lands o Kingcaussie,
And Donald M’Donald, my son.’

* * * * *

F

Whitelaw’s Book of Scottish Ballads, p. 51, “from the recitation of
a lady in Glasgow.”

1
There was a braw ball in Edinburgh,
And mony braw ladies were there,
But nae ane at a’ the assembly
Could wi Lizzie Lindsay compare.

2
In cam the young laird o Kincassie,
An a bonnie young laddie was he:
‘Will ye lea yere ain kintra, Lizzie,
An gang to the Hielands wi me?’

3
She turned her roun on her heel,
An a very loud laughter gaed she:
‘I wad like to ken whar I was ganging,
And wha I was gaun to gang wi.’

4
‘My name is young Donald M’Donald,
My name I will never deny;
My father he is an auld shepherd,
Sae weel as he can herd the kye!

5
‘My father he is an auld shepherd,
My mother she is an auld dame;
If ye’ll gang to the Hielands, bonnie Lizzie,
Ye’s neither want curds nor cream.’

6
‘If ye’ll call at the Canongate-Port,
At the Canongate-Port call on me,
I’ll give you a bottle o sherry,
And bear you companie.’

7
He ca’d at the Canongate-Port,
At the Canongate-Port called he;
She drank wi him a bottle o sherry,
And bore him guid companie.

8
‘Will ye go to the Hielands, bonnie Lizzie?
Will ye go to the Hielands wi me?
If ye’ll go to the Hielands, bonnie Lizzie,
Ye shall not want curds nor green whey.’

9
In there cam her auld mither,
A jolly auld lady was she:
‘I wad like to ken whar she was ganging,
And wha she was gaun to gang wi.’

10
‘My name is young Donald M’Donald,
My name I will never deny;
My father he is an auld shepherd,
Sae weel as he can herd the kye!

11
‘O but I would give you ten guineas
To have her one hour in a room,
To get her fair body a picture,
To keep me from thinking long.’

12
‘O I value not your ten guineas,
As little as you value mine;
But if that you covet my daughter,
Take her with you, if you do incline.’

13
‘Pack up my silks and my satins,
And pack up my hose and my shoon,
And likewise my clothes in small bundles,
And away wi young Donald I’ll gang.’

14
They packd up her silks and her satins,
They packd up her hose and her shoon,
And likewise her clothes in small bundles,
And away with young Donald she’s gane.

15
When that they cam to the Hielands,
The braes they were baith lang and stey;
Bonnie Lizzie was wearied wi ganging,
She had travelld a lang summer day.

16
‘O are we near hame, Sir Donald?
O are we near hame, I pray?’
‘We’re no near hame, bonnie Lizzie,
Nor yet the half o the way.’

17
They cam to a homely poor cottage,
An auld man was standing by:
‘Ye’re welcome hame, Sir Donald,
Ye’ve been sae lang away.’

18
‘O call me no more Sir Donald,
But call me young Donald your son,
For I have a bonnie young lady
Behind me for to come in.’

19
‘Come in, come in, bonnie Lizzie,
Come in, come in,’ said he;
‘Although that our cottage be little,
Perhaps the better we’ll gree.

20
‘O make us a supper, dear mother,
And make it of curds an green whey;
And make us a bed o green rushes,
And cover it oer wi green hay.’

* * * * * *

21
‘Rise up, rise up, bonnie Lizzie,
Why lie ye so long in the day?
Ye might hae been helping my mother
To make the curds and green whey.’

22
‘O haud your tongue, Sir Donald,
O haud your tongue, I pray;
I wish I had neer left my mother;
I can neither make curds nor whey.’

23
‘Rise up, rise up, bonnie Lizzie,
And put on your satins so fine,
For we maun to be at Kincassie
Before that the clock strikes nine.’

24
But when they came to Kincassie
The porter was standing by:
‘Ye’re welcome home, Sir Donald,
Ye’ve been so long away.’

25
It’s down then came his auld mither,
With all the keys in her hand,
Saying, Take you these, bonnie Lizzie,
All under them’s at your command.

* * * * *

G

Notes and Queries, Third Series, I, 463; “from recitation,
September, 1828.”

1
‘Will you go to the Highlands wi me, Leezie?
Will you go to the Highlands wi me?
Will you go to the Highlands wi me, Leezie?
And you shall have curds and green whey.’

2
Then up spoke Leezie’s mother,
A gallant old lady was she;
‘If you talk so to my daughter,
High hanged I’ll gar you be.’

3
And then she changed her coaties,
And then she changed them to green,
And then she changed her coaties,
Young Donald to gang wi.

4
But the roads grew broad and broad,
And the mountains grew high and high,
Which caused many a tear
To fall from Leezie’s eye.

5
But the roads grew broad and broad,
And the mountains grew high and high,
Till they came to the glens of Glen Koustie,
And out there came an old die.

6
‘You’re welcome here, Sir Donald,
And your fair ladie,
. . . . . . .
. . . . . . .

7
‘O call not me Sir Donald,
But call me Donald your son,
And I will call you mother,
Till this long night be done.’

8
These words were spoken in Gaelic,
And Leezie did not them ken;
These words were spoken in Gaelic,
And then plain English began.

9
‘O make her a supper, mother,
O make her a supper wi me;
O make her a supper, mother,
Of curds and green whey.’

* * * * * *

10
‘You must get up, Leezie Lindsay,
. . . . . . .
You must get up, Leezie Lindsay,
For it is far in the day.’

11
And then they went out together,
And a braw new bigging saw she,
And out cam Lord Macdonald,
And his gay companie.

12
‘You ‘re welcome here, Leezie Lindsay,
The flower of a’ your kin,
And you shall be Lady Macdonald,
Since you have got Donald, my son.’

* * * * *

#A. a.#

_Written in stanzas of two long lines._

3^2. Oh.

#b.#

#a# _and_ #b# _correspond nearly as follows_: #a.# 4, 5, 2,
3^{1,2}, 8^{3,4}, 7, 9^{1,2}, 9^{3,4}, 10. #b.# 2, 3, 4,
5^{1,2}, 13^{3,4}, 14, 16^{3,4}, 17^{3,4}, 18.

1
‘Will ye go to the Highlands, Lizie Lindsay?
Will ye go to the Highlands wi me?
Will ye go to the Highlands, Lizie Lindsay,
And dine on fresh cruds and green whey?’

2
Then out spak Lizie’s mother,
A good old lady was she;
Gin ye say sic a word to my daughter,
I’ll gar ye be hanged high.

3
‘Keep weel your daughter frae me, madam;
Keep weel your daughter frae me;
I care as little for your daughter
As ye can care for me.’

4
Then out spak Lizie’s ain maiden,
A bonny young lassie was she;
Says, Were I the heir to a kingdom,
Awa wi young Donald I’d be.

5
‘O say you sae to me, Nelly?
And does my Nelly say sae?
Maun I leave my father and mother,
Awa wi young Donald to gae?’

6
And Lizie’s taen till her her stockings,
And Lizie’s taen till her her shoen,
And kilted up her green claithing,
And awa wi young Donald she’s gane.

7
The road it was lang and weary;
The braes they were ill to climb;
Bonny Lizie was weary wi travelling,
And a fit furder coudna win.

8
And sair, O sair, did she sigh,
And the saut tear blin’d her ee:
‘Gin this be the pleasures o looing,
They never will do wi me!’

9
‘Now haud your tongue, bonny Lizie,
Ye never shall rue for me;
Gie me but your love for my love,
It is a’ that your tocher will be.

10
‘And haud your tongue, bonny Lizie,
Altho that the gait seem lang,
And you’s hae the wale o good living
Whan to Kincawsen we gang.

11
‘There my father he is an auld cobler,
My mother she is an auld dey,
And we’ll sleep on a bed o green rashes,
And dine on fresh cruds and green whey.’

12
. . . . . . .
. . . . . . .
‘You’re welcome hame, Sir Donald,
You’re welcome hame to me.’

13
‘O ca me nae mair Sir Donald;
There’s a bonny young lady to come;
Sae ca me nae mair Sir Donald,
But ae spring Donald your son.’

14
‘Ye’re welcome hame, young Donald,
Ye’re welcome hame to me;
Ye’re welcome hame, young Donald,
And your bonny young lady wi ye.’

15
She’s made them a bed of green rashes,
Weel coverd wi hooding o grey;
Bonny Lizie was weary wi travelling,
And lay till ’twas lang o the day.

16
‘The sun looks in oer the hill-head,
And the laverock is liltin gay;
Get up, get up, bonny Lizie,
You’ve lain till it’s lang o the day.

17
‘You might hae been out at the shealin,
Instead o sae lang to lye,
And up and helping my mother
To milk baith her gaits and kye.’

18
Then out spak Lizie Lindsay,
The tear blindit her eye;
‘The ladies o Edinburgh city,
They neither milk gaits nor kye.’

19
Then up spak young Sir Donald,
. . . . . . .
. . . . . . .
. . . . . . .

20
‘For I am the laird o Kincawsyn,
And you are the lady free,
And . . . . .
. . . . . . .

#D.#

9^1. nay (not) sae, not _struck out_.

25^4. wi.

#E.#

29. _In a much altered chap-book copy, printed by J. Morren,
Edinburgh, we have_:

When they came to the braes o Kinkassie,
Young Lizie began for to fail;
There was not a seat in the house
But what was made of the green fell.

#F.#

16^1, 22^1. _The_ Sir _is an anticipation._

#G.#

7^1, 9^{1–3}. Oh.

227

BONNY LIZIE BAILLIE

#a.# ‘Bonny Lizie Balie, A New Song very much in Request,’ Laing
broadsides, No 46; no date or place. #b.# ‘Bonny Lizzie Bailie,’
Maidment’s Scotish Ballads and Songs, 1859, p. 13. #c.# ‘My bonny
Lizzie Baillie,’ Johnson’s Museum, ed. 1853, IV, *451. #d.# ‘Lizae
Baillie,’ Herd’s MSS, I, 101, and, in part, II, 121. #e.# ‘Lizie
Baillie,’ Campbell MSS, I, 98. #f.# ‘Lizzie Bailie,’ Smith’s Scotish
Minstrel, IV, 90. #g.# ‘Lizie Baillie,’ Buchan’s Ballads of the
North of Scotland, II, 173.

#a#, from the collection of broadsides made by David Laing, now in the possession of Lord Rosebery, may probably have been printed at the beginning of the last century, at Edinburgh. #b# was taken “from a tolerably old copy printed at Glasgow.” Excepting the lack of two stanzas, the variations from a are mostly of slight consequence; two or three are for the better, #c# (only the beginning, stanzas 1–4^1) was communicated by C. K. Sharpe, from a “MS. copy of some antiquity.” #d-g# are of no authority. #d#, #e# are fragmentary stanzas, misremembered if not corrupted. #f# has ten stanzas, eight of which (some with a word or two changed) are from #d.# #g# is a washy _rifacimento_.

#d# is printed in Herd’s Ancient and Modern Scottish Songs, 1776, II, 3. The copy in Johnson’s Museum, No 456, p. 469, is #d# without the first stanza.

Stanzas 19–21 of #a#, #b#, and their representatives in #d#, #e#, recall ‘The Gypsy Laddie.’

Lizzie Baillie, of Castle Gary, Stirlingshire, while paying a visit to a sister at Gartartan, Perthshire, makes an excursion to Inchmahome, an island in Loch Menteith. Here she meets Duncan Graham, who, against the opposition of her parents, persuades her to prefer a Highland husband to any Lowland or English match.

“The heroine of this song,” says Sharpe, “was a daughter of Baillie of Castle Carey, and sister, as it is said, to the wife of Macfarlane of Gartartan.” The Baillies, as Maidment has shown, acquired Castle Gary “at a comparatively recent date,” and that editor must be nearly, or quite, right in declaring the ballad to be not older than the commencement of the last century. Buchan has a bit of pseudo-history anent Lizie Baillie in his notes, at II, 326.

The story is told in a somewhat disorderly way even in a, and we may believe that we have not attained the original yet, though this copy is much older than any that has appeared in previous collections.

* * * * *

1
It fell about the Lambmass tide,
When the leaves were fresh and green,
Lizie Bailie is to Gartartain [gane],
To see her sister Jean.

2
She had not been in Gartartain
Even but a little while
Till luck and fortune happend her,
And she went to the Isle.

3
And when she went into the Isle
She met with Duncan Grahame;
So bravely as he courted her!
And he convoyd her hame.

4
‘My bonny Lizie Bailie,
I’ll row thee in my pladie,
If thou will go along with me
And be my Highland lady.’

5
‘If I would go along with thee,
I think I were not wise;
For I cannot milk cow nor ewe,
Nor yet can I speak Erse.’

6
‘Hold thy tongue, bonny Lizie Bailie,
And hold thy tongue,’ said he;
‘For any thing that thou does lack,
My dear, I’ll learn thee.’

7
She would not have a Lowland laird,
He wears the high-heeld shoes;
She will marry Duncan Grahame,
For Duncan wears his trews.

8
She would not have a gentleman,
A farmer in Kilsyth,
But she would have the Highland man,
He lives into Monteith.

9
She would not have the Lowland man,
Nor yet the English laddie,
But she would have the Highland man,
To row her in his pladie.

10
He took her by the milk-white hand,
And he convoyed her hame,
And still she thought, both night and day,
On bonny Duncan Grahame.

11
‘O bonny Duncan Grahame,
Why should ye me miscarry?
For, if you have a love for me,
We’ll meet a[t] Castle Carry.

12
‘As I came in by Dennie bridge,
And by the holland-bush,
My mother took from me my cloaths,
My rings, ay and my purse.

13
‘Hold your tongue, my mother dear,
For that I do not care;
For I will go with Duncan Grahame
Tho I should ner get mair.

14
‘For first when I met Duncan Grahame
I met with meikle joy,
And many pretty Highland men
Was there at my convoy.’

15
And now he is gone through the muir,
And she is through the glen:
‘O bonny Lizie Bailie,
When will we meet again!’

16
Shame light on these logerheads
That lives in Castle Carry,
That let away the bonny lass
The Highland man to marry!

17
‘O bonny Lizie, stay at home!
Thy mother cannot want thee;
For any thing that thou does lack,
My dear, I’ll cause get thee.’

18
‘I would not give my Duncan Grahame
For all my father’s land,
Although he had three lairdships more,
And all at my command.’

19
And she’s cast off her silken gowns,
That she weard in the Lowland,
And she’s up to the Highland hills,
To wear [the] gowns of tartain.

20
And she’s cast off her high-heeld shoes,
Was made of the gilded leather,
And she’s up to Gillecrankie,
To go among the heather.

21
And she’s cast off her high-heeld shoes,
And put on a pair of laigh ones,
And she’s away with Duncan Grahame,
To go among the brachans.

22
‘O my bonny Lizie Bailie,
Thy mother cannot want thee;
And if thou go with Duncan Grahame
Thou’ll be a Gilliecrankie.’

23
‘Hold your tongue, my mother dear,
And folly let thee be;
Should not I fancie Duncan Grahame
When Duncan fancies me?

24
‘Hold your tongue, my father dear,
And folly let thee be;
For I will go with Duncan Grahame
Fore all the men I see.’

25
‘Who is it that’s done this turn?
Who has done this deed?’
‘A minister it’s, father,’ she says,
‘Lives at the Rughburn bridge.’

26
‘A minister, daughter?’ he says,
‘A minister for mister!’
‘O hold your tongue, my father dear,
He married first my sister.’

27
‘O fare you well, my daughter dear,
So dearly as I lovd thee!
Since thou wilt go to Duncan Grahame,
My bonny Lizie Bailie.’

28
‘O fare you well, my father dear,
Also my sister Betty;
O fare you well, my mother dear,
I leave you all compleatly.’

* * * * *

#a.#

3^4. conveyd; _cf._ 10^2.

17^4. _Suspicious._ I’ll surely grant thee _in_ #b#, _which
preserves the rhyme, and is otherwise preferable_.

20^3. #b# _avoids_ Gillecrankie _here by reading_ to the Highland
hills, _and lacks_ 22.

23^2, 24^2. _Hardly possible._ _In 23^2_ #b# _has_, With your
folly let me be.

27^1. fair ye: _cf._ 28^{1,3}.

#b#.

1^1, upon the.

1^3. gane.

2^1. been long at.

2^3. to her.

3^4. convoyd.

4^3. wilt.

5^1. I should: with you.

5^2. They’d think.

5^3. can neither.

6^3. dost.

6^4. I will teach.

7^2. That wears.

7^3. But she would.

7^4. he wears trews.

8^3. have a.

8^4. That lives.

11^2. you.

11^4. at.

14^3. mony a: Highlandman.

15^1. now she.

15^2. And he.

15^3. O my.

17^3. dost want.

17^4. I’ll surely grant thee: _better_.

19^1. Now she’s: gown.

19^2. wore: Lowlands.

19^4. the gowns.

20^2. oiled _for_ the gilded.

20^3. to the Highland hills.

20^4, 21^4. gang.

21^2. And _wanting_.

22. _Wanting._

23^2. With your folly let me be.

23^4. ‘Fore all the men I see.

24 (_or_, 23^4 24^{1–3}). _Wanting._

25^1. that has.

25^2. Or who hath.

25^4. Red Burn.

27^1. So _for_ O.

27^2. love.

27^3. go with.

27^4. Thou’lt get no gear from me.

#c.#

_Only_ 1–4^1 _given_.

1^1. It was in and about the Martinmass.

_Absurd. Lammas, even, is late enough for leaves to be fresh and
green; in fact both are verbiage._

1^3. gane.

2^1. She was nae in.

2^2. Even _wanting_.

2^3. When luck.

2^4. she gaed.

3^1. When she gaed to the bonny Isle.

#d.#

11 _stanzas:_ 1^{3,4}, 3^{2,4}; 4; 5, _in two forms, one struck
out_; 6 (?), 20, 19, 9, 11 (?), 12, 18, 16.

5.
‘I am sure they wad nae ca me wise,
Gin I wad gang wi you, sir,
For I can neither card nor spin,
Nor yet milk ewe nor cow, sir.’

6.
‘My bonie Liza Baillie,
Let nane o these things daunt ye;
Ye’ll hae nae need to card or spin,
Your mither weel can want ye.’

9.
She wad nae hae a Lawland laird,
Nor be an English ladie,
But she wad gang wi Duncan Grame,
And row her in his plaidie.

11.
(?)She was nae ten miles frae the town
When she began to weary;
She often looked back and said,
‘Farewell to Castlecarry!’

12.
The first place I saw my Duncan Grame
Was near yon holland-bush;
My father took frae me my rings,
My rings but and my purse.

19.
And she’s cast aff her bonie goun,
Made o the silk and sattin,
And she’s put on a tartan plaid,
To row amang the bracken. (21^4.)

20.
Now she’s cast aff her bonie shoon,
Made o the gilded leather,
And she’s put on her Highland brogues,
To skip amang the heather.

_This is enough to show the quality of #d#. It has been
extensively corrupted. 11 is out of character, and suggested by_
‘Lizie Lindsay.’

#e.#

_Stanzas 4, 5, 17, 20, 19, 9, only._

5.
‘If I wad gang alang wi you
They wadna ca me wise, sir;
For I can neither card nor spin,
Nor yet can I speak Erse, sir.’

9.
She wadna hae a Lawland laird,
Nor be a English lady,
But she’s awa wi Duncan Grahame
He’s rowd her in his plaidy.

17.
‘My bonny Lizie Baillie,
Your minny canna want you;
Sae let the trooper gang his lane,
And carry his ain portmanteau.’

19. _Nearly as in_ #d#. A’ wrought wi gowd an satin: To sport
amang.

20. _Nearly as in_ #d#. Spanish leather.

17^{3,4} _is not intelligible, and may have slipped in from some
“Trooper” ballad._

#f.#

10 _stanzas, edited from some copy of_ #d#. f 3–9, 10==d 2–8, 12,
_nearly_.

1^1. Lammas time.

1^2. trees were.

1^3. L. B. gaed to Garter town.

2,3.
She’d no been lang in Garter town
Till she met wi Duncan Graham,
Wha kindly there saluted her,
And wad convoy her hame.

4^2. Ye’s hae a tartan plaidie.

9^3. wad gang wi Duncan Graham.

9^4. And wear a tartan plaidie.

19^1. her lowland braws.

19^3. put on the worset gown.

19^4. To skip amang the breckin.

#g.#

14 stanzas.

2.
She meant to go unto that place
To stay a little while;
But mark what fortune her befell
When she went to the Isle.

It fell out upon a day,
Sheep-shearing at an end,
Lizie Baillie she walkd out,
To see a distant friend.

3.
But going down in a low glen
She met wi Duncan Græme,
Who courted her along the way,
Likewise convoyed her hame.

_The whole ballad is treated with the like freedom and
feebleness._

22.
‘O stay at hame,’ her father said,
‘Your mither cannot want thee;
And gin ye gang awa this night
We’ll hae a Killycrankie.’

Killycrankie _for a_ row: _a droll emendation of #a#, and the only
spirited line in the piece._

228

GLASGOW PEGGIE

#A.# ‘Glasgow Peggie,’ Sharpe’s Ballad Book, p. 40.

#B.# #a.# ‘Glasgow Peggy,’ Kinloch’s Ancient Scottish Ballads, p. 174.
b. Kinloch MSS, VII, 259. c. ‘Glasgow Peggie,’ Aytoun’s Ballads of
Scotland, 1859, II, 230.

#C.# #a.# ‘Galla Water,’ ‘Bonny Peggy,’ Motherwell’s MS., p. 89. b.
‘Glasgow Peggie,’ “Scotch Ballads, Materials for Border Minstrelsy,”
No 116, and Sharpe’s Ballad Book, ed. 1880, p. 137, one stanza.

#D.# ‘Donald of the Isles,’ Buchan’s Ballads of the North of Scotland,
II, 155.

#E.# ‘Glasgow Peggy,’ Christie, Traditional Ballad Airs, I, 70.

#F.# ‘The Young Maclean,’ Alexander Laing’s MS., p. 5.

“Common in stalls,” says Motherwell, “under this title [‘Glasgow Peggie’], or that of the ‘Earl of Hume,’ or ‘The Banks of Omey:’” Minstrelsy, p. xciii, note 133. In his MS., p. 90, the stall-copy is said to be better than the imperfect #C a#.

A young Highlander comes to Glasgow and is smitten with bonnie Peggie. Her father says the Highlander may steal cow or ewe, but not Peggie; and her mother asks in disgust whether her daughter, so long the object of her care, would end with going off in such company. For all that, Peggie goes. The Earl of Argyle, or the Earl of Hume, or the young Earl of Hume, takes this much to heart. The pair ride to a low glen in the north country, and lie down on the grass. The Lowland lass has some compunctions, stimulated by the lack of the good beds at home. The captivating Highlander reassures her. He has the same comforts which she misses; they are his, and will soon be hers. He points out a fine castle which is his too, and he himself is Donald, Earl of Skye, and she will be a lady. #B# and #E#, to make the contrast of her two homes the greater, maintain that, despite her regrets for the comforts of her father’s mansion, all that Peggie left was a wee cot-house and a wee kail-yairdie.

In the fragment #F#, Maclean replaces Macdonald.

* * * * *

A

Sharpe’s Ballad Book, No XV, p. 40.

1
‘As I cam in by Glasgow town,
The Highland troops were a’ before me,
And the bonniest lass that eer I saw,
She lives in Glasgow, they ca her Peggie.

2
‘I wad gie my bonnie black horse,
So wad I my gude grey naigie,
If I were twa hundred miles in the north,
And nane wi me but my bonnie Peggie.’

3
Up then spak her father dear,
Dear wow! but he was wondrous sorrie;
‘Weel may ye steal a cow or a yowe,
But ye dare nae steal my bonnie Peggie.’

4
Up then spak her mother dear,
Dear wow! but she spak wondrous sorrie;
Now since I have brought ye up this length,
Wad ye gang awa wi a Highland fellow?’

5
He set her on his bonnie black horse,
He set himsel on his gude gray naigie,
And they have ridden oer hills and dales,
And he’s awa wi his bonnie Peggie.

6
They have ridden oer hills and dales,
They have ridden oer mountains many,
Until they cam to a low, low glen,
And there he’s lain down wi his bonnie Peggie.

7
Up then spak the Earl of Argyle,
Dear wow! but he spak wondrous sorrie;
‘The bonniest lass in a’ Scotland
Is off and awa wi a Highland fellow!’

8
Their bed was of the bonnie green grass,
Their blankets war o the hay sae bonnie;
He folded his philabeg below her head,
And he’s lain down wi his bonnie Peggie.

9
Up then spak the bonny Lowland lass,
And wow! but she spak wondrous sorrie;
‘I’se warrant my mither wad hae a gay sair heart
To see me lien here wi you, my Willie.’

10
‘In my father’s house there’s feather-beds,
Feather-beds, and blankets mony;
They’re a’ mine, and they’ll sune be thine,
And what needs your mither be sae sorrie, Peggie?

11
‘Dinna you see yon nine score o kye,
Feeding on yon hill sae bonnie?
They’re a’ mine, and they’ll sune be thine,
And what needs your mither be sorrie, Peggie?

12
‘Dinna ye see yon nine score o sheep,
Feeding on yon brae sae bonnie?
They’re a’ mine, and they’ll sune be thine,
And what needs your mither be sorrie for ye?

13
‘Dinna ye see yon bonnie white house,
Shining on yon brae sae bonnie?
And I am the Earl of the Isle of Skye,
And surely my Peggie will be ca’d a lady.’

* * * * *

B

#a.# Kinloch’s Ancient Scottish Ballads, p. 174; from recitation,
#b.# Kinloch MSS, VII, 259; “from Mrs K.’s recitation.” #c.#
Aytoun’s Ballads of Scotland, 1859, II, 230.

1
The Lawland lads think they are fine,
But the Hieland lads are brisk and gaucy,
And they are awa, near Glasgow toun,
To steal awa a bonnie lassie.

2
‘I wad gie my gude brown steed,
And sae wad I my gude grey naigie,
That I war fifty miles frae the toun,
And nane wi me but my bonnie Peggy.’

3
But up then spak the auld gudman,
And vow! but he spak wondrous saucie;
‘Ye may steal awa our cows and ewes,
But ye sanna get our bonnie lassie.’

4
‘I have got cows and ewes anew,
I’ve got gowd and gear already;
Sae I dinna want your cows nor ewes,
But I will hae your bonnie Peggy.’

5
‘I’ll follow you oure moss and muir,
I’ll follow you oure mountains many,
I’ll follow you through frost and snaw,
I’ll stay na langer wi my daddie.’

6
He set her on a gude brown steed,
Himself upon a gude grey naigie;
They’re oure hills, and oure dales,
And he’s awa wi his bonnie Peggy.

7
As they rade out by Glasgow toun,
And doun by the hills o Achildounie,
There they met the Earl of Hume,
And his auld son, riding bonnie.

8
Out bespak the Earl of Hume,
And O! but he spak wondrous sorry;
‘The bonniest lass about a’ Glasgow toun
This day is awa wi a Hieland laddie!’

9
As they rade bye auld Drymen toun,
The lasses leuch and lookit saucy,
That the bonniest lass they ever saw
Sud be riding awa wi a Hieland laddie.

10
They rode on through moss and muir,
And so did they owre mountains many,
Until that they cam to yonder glen,
And she’s lain doun wi her Hieland laddie.

11
Gude green hay was Peggy’s bed,
And brakens war her blankets bonnie,
Wi his tartan plaid aneath her head;
And she’s lain doun wi her Hieland laddie.

12
‘There’s beds and bowsters in my father’s house,
There’s sheets and blankets, and a’ thing ready,
And wadna they be angry wi me,
To see me lie sae wi a Hieland laddie!’

13
‘Tho there’s beds and beddin in your father’s house,
Sheets and blankets, and a’ made ready,
Yet why sud they be angry wi thee,
Though I be but a Hieland laddie?

14
‘It’s I hae fifty acres of land,
It’s a’ plowd and sawn already;
I am Donald, the Lord of Skye,
And why sud na Peggy be calld a lady?

15
‘I hae fifty gude milk kye,
A’ tied to the staws already;
I am Donald, the Lord of Skye,
And why sud na Peggy be calld a lady?

16
‘See ye no a’ yon castles and towrs?
The sun sheens owre them a sae bonnie;
I am Donald, the Lord of Skye,
I think I’ll mak ye as blythe as onie.’

17
A’ that Peggy left behind
Was a cot-house and a wee kail-yardie;
Now I think she is better by far
Than tho she had got a Lawland lairdie.

* * * * *

C

#a.# Motherwell’s MS., p. 89; from recitation. #b.# “Scotch Ballads,
Materials for Border Minstrelsy,” No 116, and Sharpe’s Ballad Book,
ed. 1880, p. 137, the last stanza.

* * * * *

1
‘He set her on his bonnie black horse,
He set himsel on his good gray naigie;
He has ridden over hills, he has ridden over dales,
And he’s quite awa wi my bonny Peggy.

2
‘Her brow it is brent and her middle it is jimp,
Her arms are long and her fingers slender;
One sight of her eyes makes my very heart rejoice,
And wae’s my heart that we should sunder!’

3
His sheets were of the good green hay,
His blankets were of the brackens bonnie;
He’s laid his trews beneath her head,
And she’s lain down wi her Highland laddie.

4
‘I am my mother’s ae daughter,
And she had nae mair unto my daddie,
And this night she would have a sore, sore heart
For to see me lye down with a Highland laddie.’

5
‘Ye are your mother’s ae daughter,
And she had nae mae unto your daddie;
This night she need not have a sore, sore heart
For to see you lie down with a Highland laddie.

6
‘I have four-and-twenty acres of land,
It is ploughed, it is sown, and is always ready,
And you shall have servants at your command;
And why should you slight a Highland laddie?

7
‘I have four-and-twenty good milk-kye,
They are feeding on yon meadow bonnie;
Besides, I have both lambs and ewes,
Going low in the haughs o Galla water.

8
‘My house it stands on yon hill-side,
My broadsword, durk, and bow is ready,
And you shall have servants at your command;
And why may not Peggy be called a lady?’

* * * * *

D

Buchan’s Ballads of the North of Scotland, II, 155.

1
A bonny laddie brisk and gay,
A handsome youth sae brisk and gaddie,
And he is on to Glasgow town,
To steal awa his bonny Peggy.

2
When he came into Glasgow town,
Upon her father’s green sae steady,
‘Come forth, come forth, old man,’ he says,
‘For I am come for bonny Peggy.’

3
Out it spake her father then;
‘Begone from me, ye Highland laddie;
There’s nane in a’ the West Country
Dare steal from me my bonny Peggy.’

4
‘I’ve ten young men all at my back,
That ance to me were baith true and steady;
If ance I call, they’ll soon be nigh,
And bring to me my bonny Peggy.’

5
Out it spake her mother then,
Dear! but she spake wondrous saucy;
Says, Ye may steal my cow or ewe,
But I’ll keep sight o my ain lassie.

6
‘Hold your tongue, old woman,’ he says,
‘Ye think your wit it is fu ready;
For cow nor ewe I ever stole,
But I will steal your bonny Peggy.’

7
Then all his men they boldly came,
That was to him baith true and steady,
And thro the ha they quickly went,
And forth they carried bonny Peggy.

8
Her father gae mony shout and cry,
Her mother cursed the Highland laddie;
But he heard them as he heard them not,
But fixd his eye on bonny Peggy.

9
He set her on his milk-white steed,
And he himsell on his grey naigie;
Still along the way they rode,
And he’s awa wi bonny Peggy.

10
Says, I wad gie baith cow and ewe,
And sae woud I this tartan plaidie,
That I was far into the north,
And alang wi me my bonny Peggy.

11
As they rode down yon pleasant glen,
For trees and brambles were right mony,
There they met the Earl o Hume,
And his young son, were riding bonny.

12
Then out it spake the young Earl Hume,
Dear! but he spake wondrous gaudie;
‘I’m wae to see sae fair a dame
Riding alang wi a Highland laddie.’

13
‘Hold your tongue, ye young Earl Hume,
O dear! but ye do speak right gaudie;
There’s nae a lord in a’ the south
Dare eer compete wi a Highland laddie.’

14
Then he rade five miles thro the north,
Thro mony hills sae rough and scroggie,
Till they came down to a low glen,
And he lay down wi bonny Peggy.

15
Then he inclosed her in his arms,
And rowd her in his tartan plaidie:
‘There are blankets and sheets in my father’s house,
How have I lien down wi a Highland laddie!’

16
Says he, There are sheep in my father’s fauld,
And every year their wool is ready;
By the same our debts we pay,
Altho I be but a Highland laddie.

17
‘There are fifty cows in my father’s byre,
That all are tyed to the stakes and ready;
Five thousand pounds I hae ilk year,
Altho I be but a Highland laddie.

18
‘My father has fifty well shod horse,
Besides your steed and my grey naigie;
I’m Donald o the Isle o Sky,
Why may not you be ca’d a lady?

19
‘See ye not yon fine castle,
On yonder hill that stands sae gaudie?
And there we’ll win this very night,
Where ye’ll enjoy your Highland laddie.’

* * * * *

E

Christie, Traditional Ballad Airs, I, 70, as sang by an old woman
living near Keith, Banffshire.

1
The Hielan lads sae brisk and braw,
The Hielan lads sae brisk and gaudie,
Hae gane awa to Glasgow town,
To steal awa the bonny Peggy.

2
As they cam on to Glasgow town,
And passd the banks and braes sae bonny,
There they espied the weel-faurd may,
And she said to them her name was Peggy.

3
Their chief did meet her father soon,
And O! but he was wondrous angry;
Says, Ye may steal my owsen and kye,
But ye maunna steal my bonnie Peggy.

4
‘O haud your tongue, ye gude auld man,
For I’ve got cows and ewes already;
I come na to steal your owsen and kye,
But I will steal your bonny Peggy.’

5
He set her on a milk-white steed,
And he himsel rode a gude grey naigie,
And they are on mony miles to the north,
And nane wi them but the bonny Peggy.

6
‘I hae fifty acres o gude red lan,
And a’ weel ploughd and sawn already,
And why should your father be angry wi me,
And ca me naething but a Hielan laddie?

7
‘I hae twenty weel mounted steeds,
Black and brown and grey, already;
And ilk ane o them is tended by a groom,
Altho I be but a Hielan laddie.

8
‘I hae now ten thousand sheep,
A’ feeding on yon braes sae bonny,
And ilka hundred a shepherd has,
Altho I be but a Hielan laddie.

9
‘I hae a castle on yonder hill,
It’s a’ set roun wi windows many;
I’m Lord M’Donald o the whole Isle of Skye;
And why shouldna Peggy be ca’d my Lady?’

10
Now a’ that Peggy had before
Was a wee cot-house and a little kail-yairdie,
But now she is lady o the whole Isle of Skye,
And now bonny Peggy is ca’d my Lady.

* * * * *

F

Alexander Laing’s MS., 1829, p. 5.

1
The young Maclean is brisk an bauld,
The young Maclean is rash an ready.
An he is to the Lowlands gane,
To steal awa a bonnie ladye.

* * * * * *

2
Out an spak her auld father,
An O! but he spak wondrous angry;
‘Ye may steal my cows an ewes,
But ye shall not steal my dochter Peggie.’

3
‘O haud your tongue, ye gude auld man,
For I hae gear enough already;
I cum na for your cows an ewes,
But I cum for your dochter Peggie.’

4
He set her on a milk-white steed,
Himsel upon a gude gray naggie,
An they are to the Highlands gane,
The young Maclean an his bonnie ladye.

* * * * *

#B. b.#

_Stanzas_ 7, 3, 12^2, 6, 4.

3.
And then out and spak her father dear,
And oh! but he was wondrous angrie;
‘It’s ye may steal my cows and ews,
But ye maunna steal my bonnie Peggy.’

4.
‘Hold your tongue, you silly auld man,
For ye’ve said eneuch already;
I’ll neither steal your cows nor ews,
But I wat I’ll steal your bonnie Peggy.’

6^1. He’s mounted her on a milk-white.

6^2. are ouer hill and they’re ouer dale.

6^4. he’s clean awa.

7^1. As I cam in by.

7^3. I met.

7^4. son, war.

12^2. Feather beds and bowsters many. (A, 10.^2)

#c.#

“I have carefully collated these [_Kinloch’s copy_, #B a#, _and
Sharpe’s_, #A#] with another _copy_, giving, for the most part,
the preference to the version of Mr Kinloch.” _Readings (quite
unimportant) which do not occur in_ #B a#, #A#:

1^3. they hae come doun to Glasgow toun.

2^1. O I.

2^3. were a hundred.

4^3. or.

_After 4_, _cf._ #A# 4^{1,2}:

But up then spak the auld gudewife,
And wow! but she lookd wondrous yellow.

5^{1–3}. follow him.

5^4. I’ll bide.

7^1. out frae.

7^2. And by the side o Antermony.

7^4. Wi him his.

8^2. sadly _for_ sorry.

10^1. It’s they.

11^4. wi the.

12^1. There’s mair than ae bed in.

16^2. on them.

16^3. It’s I.

#C.# #b.#

8. _In a letter of John Hamilton’s to Sir W. Scott, dated August
17, 1803 (“Scotch Ballads,” etc., No 116), this stanza is given
thus_:

My palace stands on yon burn-brae,
My bow is bent an arrows ready;
My name is Donald, in the Isle of Sky,
Although I be but a Highland laddie.

_Scott probably trusted to his memory when making the following
note to a, printed in Sharpe’s Ballad Book, ed. 1880_:

‘I have a dirk and a gude claymore,
My bow is bent and my arrow ready;
My castle stands in the Isle of Skye,
Although I am but a Highland laddie.’

“The above stanza, which I got from the late Mr Hamilton,
music-seller in Edinburgh, seems to belong to ‘Glasgow Peggie.’”

229

EARL CRAWFORD

#A. a.# ‘Earl Crawford,’ Christie’s Traditional Ballad Airs, I, 290,
from recitation. #b.# From recitation.

#B.# ‘Earl Crawford,’ Buchan’s Ballads of the North of Scotland, I,
61. Abridged, in Christie’s Traditional Ballad Airs, I, 68.

#A.# One of seven handsome sisters makes a great match with the Earl of Crawford. In a fit of jealousy at the fondness which he shows his young son, Ladie Lillie addresses to her husband a quip on that head, to which the earl replies in the same tone. But the matter does not end there. The earl sets his wife on a horse, with her son, and sends her home to her father at Stobhall, never to enter his gates again. Her father is surprised that she should come without notice or attendants; she tells him that a word from her merry mouth has parted her and her lord. The father offers to make a better match for her; she would not give a kiss of Crawford’s for all her father’s gold. She sends a messenger to the earl to see whether he retains affection for her; word is brought back that she is to stay with her father and never enter Crawford’s gates again. Her heart breaks. Her father puts on black, rides to Crawford’s, and finds the earl just setting forth with a party to bring Lady Lillie home. Upon learning that his wife is dead, the earl declares that the sun shall nevermore shine on him.

#B.# Lady Crawford rides to her husband’s castle in person to see if the earl will pity her. He shuts his gates and steeks his doors, and will neither come down to speak with her himself nor send his man. She retires weeping. The earl in turn now goes to the castle where his lady is lying, to see if she will pity him. She shuts the gates and steeks the doors, and will neither come down to speak with him nor send her waiting-maid. Not the less she takes to her bed, both she and Crawford die before morning, and both are buried in one tomb.